غيبتــك لـــو هـي دقيقــــه تعتبـر صـــدّه
الوقت دونك سجن وغيابـك اسياجــــــه
لا تعتذر لي تـــرى مــاعـــاد فـي شــــدّه
اعيد حكــي ٍ يكـــود الصـــدر مخراجـــه
دامـه يوصـــف بجـــود ابيـــك وبجـــدّه
وشلون تبخل على المجروح بعلاجــــه؟
ووشلـــون قــــاوااك قلبـك رده وصـدّه
مــع انــه بيّن عليه الضعـف والحاجـه
يــــــــاقـو قلبـــك بــرد ايميـنــــك وردّه
بخلــت بمصافحـه وارهيـت بحراجــــه
لو مــاسقى غيــم عينـه جـرهـدي خــدّه
تــراه يبكــي وقلبــه يـلحـــق اخــلاجــه
ولــو شفتـــه يمـــازحك تــراه مـن جـدّه
الضحك عن درب ضيق الصدر ماعاجه
غير الغلا والولـــه عليـك وش حــــدّه؟
يـــادرب ليلـــه ويامســـراه وسراجـــه
كـنّـــه يعرفــك قبـل يلقــاك مــــن مـــدّه
مـــع ان مابينـك ومــــا بينـه امواجـــه
هـــــواك بـدو ٍ نـــووا للقلـب بالشـــدّه
وريـــاض قلبي لشوف البـدو محتاجـه
والــوصل..بحر ٍ متى انت بتسمح ابمدّه
السيــف صبري وبحـرك شح بامواجـه
قصيدي اللـي قريتــه واللــــي اعــــدّه
قديـــم لا يزعلـك معنــــاه واخـراجـــــه
وفراغ قلبي غـلاك ارهى علــى ســـــدّه
ليتك تشوف الـــغلا وابراجـــه وعاجــه
اقوى رياح العـذل مــــــــا تقـدر تهـــدّه
والا الجفـــــــا لـو تنفـس هـدم ابراجـه
تغانـم الوصـــل لـــــن البعــــد لابــــــدّه
ياتيك في يوم ثـم ياخـــــــــذك بادراجـه
اللـــي لــي انــــك تليـن وتتـرك الشـدّه
واللي لك اني ما سولف بـك لهراجـــه
ولانـــي بزعلان واللــــي نرتجـي مـدّه
يـــا بـــــاب قلبـي ويـا قفلـه ومزلاجـه
زعلة تغلــــي ومـن تزعلـــــه مـن قـدّه
مـــــا دام كـــــل ٍ يبـي دربـك ومنهاجـه
غالــــــي وتبخل علـي وتطّـول الصـدّه
الله يســـــــامـح غـلاك ويلعـن الحاجـه
الأربعاء سبتمبر 17, 2008 2:05 am
